+ គ្រឿងផ្សំ
- ម្ទេសក្រៀម ២០ក្រាមត្រាំទឹកក្ដៅ - ម្ទេសស្រស់៣ផ្លែហាន់ស្ដើងៗ - មើមខ្ទឹមក្រហម - រមៀតស្រស់ហាន់ជាចំណិត - រំដេង៤ហាន់ជាចំណិត - កាពិ ២កូនស្លាបព្រាកាហ្វេ - ប្រេងឆា ៤ឬ៥កូនស្លាបព្រាកាហ្វេ - ស្លឹកជីរពងទាកូន - ផ្ការមៀតស្រស់ ៣ផ្លែ - ទឹកអំពិល៣កូនពែងកន្លះ - ស្ករស ៣កូនស្លាបព្រាកាហ្វេ - បង្គា ៨០០ក្រាម - ខ្ទឹមបារាំងក្រហម ១ផ្លែហាន់ស្ដើងៗ - ផ្លែពោតបារាំង ១២ផ្លែ - ផ្លែម្នាស់ស្រស់ ២កូនពែងកាហ្វេ - អំបិល - ស្លឹកជីអង្កាម
+ វិធីធ្វើ
១. ដំបូងត្រូវយកម្ទេសក្រៀម ម្ទេសស្រស់ មើមខ្ទឹមក្រហម រមៀតរំដេង និងកាពិលាយទឹកច្របល់បុកចូលគ្នាអោយសព្វទុកមួយឡែក ។ ២. បន្ទាប់មកយកឆ្នាំងធំដាក់ប្រេងឆាទុកអោយក្ដៅបន្ដិច ទើបយកគ្រឿងខាងលើមកលីងទុកអោយឈ្ងុយ រួចយកផ្កាខ្ញី និងស្លឹកជីពងទាកូនដាក់ចូល ដោយលីងចូលគ្នាប្រហែល ៥នាទី រួចដាក់ទឹកអំពិល និងស្ករស ចូលទុកអោយពុះរហូតស្ងួតល្អ ទើបយកបង្គា ខ្ទឹមបារាំង ពោតបារាំង ប៉េងប៉ោះ និងម្នាស់ដាក់ចូលកូរអោយសព្វ ទុកអោយបន្លែនិងបង្គាឆ្អិនល្អជាការស្រេច ។ បើស្ទើរអាចថែមអំបិល និងស្ករស ពេលដួសមកពិសា គ្រាន់តែបង់ជីអង្កាមពីលើបន្ដិចគឺរួចរាល់ ។
Comments
Post a Comment