- មឹកបំពង់ ១ក្បាលធំ - សាច់ត្រីចីញ្ច្រាំ ៦ស្លាបព្រាបាយ - ម្ទេសខ្មាំង ហាន់២ស្លាបព្រាបាយ - ជីរវ៉ាន់ស៊ុយ ហាន់១ស្លាបព្រាបាយ - ខ្ទឹមសចិញ្ច្រាំ ១ស្លាបព្រាបាយ - ទឹកត្រី ១ស្លាបព្រាបាយ - ទឹកក្រូចឆ្មារ ១ស្លាបព្រាបាយ - ក្រូចឆ្មារ ហាន់ជាចំណិតស្ដើងៗ១ផ្លែ - ស្ករស ១វែកសម្ល - អំបិល ១ភាគ៤ ស្លាបព្រាកាហ្វេ - ខ្ទឹមស ហាន់ជាចំណិតស្ដើងៗ សម្រាប់រោយពីលើ ១ស្លាបព្រាបាយ + វិធីធ្វើ ១. លាយផ្សំសាច់ត្រីចិញ្ច្រាំ ជាមួយអំបិល ឲ្យចូលគ្នាសព្វ រួចផ្អាប់ទុកមួយ ស្របក់ ។ ២. លាងមឹក ឲ្យស្អាត បន្ទាប់មក យកសាច់ត្រីដែលផ្អាប់ទុកនោះ មកញាត់ធ្វើ ជាស្នូល រួចហាន់ជាកង់ៗ ហើយរៀបដាក់ចាន ដើម្បីចំហុយដោយរៀបចំណិត ក្រូចឆ្មារ អមខាងផង ។ ៣. លាយផ្សំគ្រឿងគ្រៅ ដូចជា ម្ទេសហាន់ ជីរវ៉ាន់ស៊ុយ ខ្ទឹមស ទឹកត្រី ទឹកក្រូចឆ្មារ ស្ករស និងទឹកស៊ុប ហើយច្របល់បញ្ចូលគ្នា ឲ្យសព្វភ្លក្សមើលរសជាតិឲ្យល្មមត្រូវមាត់។ ៤. ដួសទឹកគ្រឿងផ្សំនេះ ៣ស្លាបព្រាបាយ ស្រោចពីលើមឹកញាត់សាច់ ដែលហាន់ជាកង់ៗ ហើយរួចយកទៅចំហុយឲ្យឆ្អិន ។ ៥. យកមឹកចំហុយចេញមក ហើយស្រោចទឹកគ្រឿងផ្សំ ដែលនៅសល់ពីលើ រួចសឹមរោយខ្ទឹមសហាន់ និងជីរវ៉ាន់ស៊ុយ ។
+ត្រីសមុទ្រចំហុយ បន្លែគ្រប់មុខ
+ គ្រឿងផ្សំ
- ខ្ទឹមបារាំង - ការ៉ុត ១ផ្លែតូច - ខ្ទឹមស ដំ ៣ឬ៤ កំពឹស - ឃិនឆាយ ឬគល់ខ្ទឹម - អំបិល ១ឬ២ ស្លាបព្រាកាហ្វេ - សាច់ត្រីសមុទ្រ វះជាបន្ទះធំ ១ឬ២ ដុំ - ម្រេចបុកគ្រើមៗ ១ ស្លាបព្រាកាហ្វេ - ប៉េងប៉ោះ និងម្ទេសប្លោក ៣ពណ៌តាមចំណូលចិត្ត - ក្រដាសអាលុយមីញ៉ូម(កាដាសខ្ចប់ត្រីដុត)១ផ្ទាំង + វិធីធ្វើ ១. ហាន់បន្លែផ្សេងៗជារាងបួនជ្រុងតូចៗ ឲ្យបាន១មុខ ១ពែង ។ ហាន់សាច់ត្រី ជាដុំល្មមៗ កុំឲ្យតូចពេក។ ២. យកត្រី និងគ្រឿងផ្សំផ្សេងៗដែលត្រៀមទុក ដាក់ក្នុងក្រដាសអាលុយមីញ៉ូម រោយអំបិល និងម្រេចឲ្យសព្វ តាមចំណូលចិត្ត ទើបបត់ក្រដាសខ្ចប់ឲ្យជិត ។ ៣. បត់ចុងទាំងសងខាងឲ្យណែន យកចូលចង្ក្រានចំហុយប្រហែល ១០ទៅ១៥នាទី ឬចំហុយរហូតឆ្អិន តាមចំណូលចិត្ត ។ អាហារដែលចម្អិនដោយវិធីនេះ នឹងទទួលបានគុណភាពខាងអាហារខ្ពស់ទទួលបានរសជាតិ ធម្មជាតិ និងទឹកខាប់ៗដែលចេញមកពីបន្លែផ្សេងៗជាពិសេស វាមានពណ៌ស្រស់ គួរឲ្យចង់ទទួលទាន ។
+ត្រីឆ្ពងចំហុយខ្ញី
+ គ្រឿងផ្សំ
- ត្រីឆ្ពង់ ១ទៅ២បន្ទះ
- ខ្ញីហាន់ស្ដើងៗ ១ស្លាបព្រាបាយ
- ម្ទេសដៃនាងហាន់ ១ឬ២គ្រាប់
- សណ្ដែកកួរ ៥០ក្រាម
- អំបិល ១ភាគ២ស្លាបព្រាកាហ្វេ
- ម្រេចម៉ដ្ឋ ១ភាគ២ ស្លាបព្រាកាហ្វេ
- បន្លែខាត់ណា ៥០ក្រាម
- គល់ខ្ទឹម ២ស្លាបព្រាបាយ
- ទឹកជ្រលក់សៀង ២ស្លាបព្រាបាយ
- ប្រេងល្ង
- ជីរវ៉ាន់ស៊ុយ
- ខ្ញីហាន់ស្ដើងៗ ១ស្លាបព្រាបាយ
- ម្ទេសដៃនាងហាន់ ១ឬ២គ្រាប់
- សណ្ដែកកួរ ៥០ក្រាម
- អំបិល ១ភាគ២ស្លាបព្រាកាហ្វេ
- ម្រេចម៉ដ្ឋ ១ភាគ២ ស្លាបព្រាកាហ្វេ
- បន្លែខាត់ណា ៥០ក្រាម
- គល់ខ្ទឹម ២ស្លាបព្រាបាយ
- ទឹកជ្រលក់សៀង ២ស្លាបព្រាបាយ
- ប្រេងល្ង
- ជីរវ៉ាន់ស៊ុយ
+ វិធីធ្វើ
១. រៀបសាច់ត្រី ដាក់ក្នុងចានធន់កម្ដៅ រួចដាក់ខ្ញី និងគល់ខ្ទឹមរួចយកទៅ ចំហុយ ។ បន្ទាប់មកឆាសណ្ដែកកួរ និងបន្លែខាត់ណា ជាមួយប្រេងឆា ម្ដងមួយមុខៗ ។
២. ផ្សំរសជាតិដោយអំបិល និងម្រេច រៀបដាក់ចាន ដោយយកសាច់ត្រី ដែលចំហុយឆ្អិនហើយ ដាក់លើបន្លែ ស្រោចដោយទឹកជ្រលក់សៀង ដែលឆាជាមួយប្រេងល្ង និងតុបតែងដោយម្ទេសពណ៌ក្រហមជីរវ៉ាន់ស៊ុយ និង គល់ខ្ទឹម ។
Comments
Post a Comment