សម្ល- បបរគ្រឿង

គ្រឿងផ្សំ៖

 – សាច់ជ្រូក ឆ្អឹង​ជ្រូក (យកឆ្អឹង​ស៊ុប) – ផ្សិតក្រៀម, ការ៉ុត, ដំឡូងបារាំង, ផ្សិតចំបើង, ខ្ទឹមបារាំង, សណ្តែកបណ្តុះ, ជីបន្លា – សៀងផ្អែម, អង្ករ, ដុំស៊ុប, ស្ករស, អំបិល, ម្រេច, ទឹក​ត្រី, ខ្ទឹមស វិធីធ្វើ៖ ១-ដាំទឹក​ស្ងោរ​ឆ្អឹងជ្រូក ២-ហាន់សាច់ជ្រូក​ជាបន្ទះ​តូចៗ ឆ្អឹងជ្រូកកាប់​ជា​ដុំៗ ៣-ត្រាំ​ផ្សិត​ក្រៀម រួចហាន់ជា​ចំណិតតូចៗ ៤-ហាន់ការ៉ុត និងដំឡូងបារាំង​ជា​ដុំតូចៗ ៥-ហាន់​ផ្សិតចំបើង (១​ពុះជា២​រឺជាបួន) ៦-ហាន់​ខ្ទឹម​បារាំងតាម​បណ្តោយស្តើងៗ ៧-ចិញ្ច្រាំខ្ទឹម ៨-ពេលទឹក​ពុះ ដាក់​ដុំស៊ុប១ដុំ រួចដាក់​ឆ្អឹង​ជ្រូក សាច់​ជ្រូកនិងការ៉ុតចូល។ រំងាស់មួយស្របក់ ដាក់ផ្សិតក្រៀម និង​ដំឡូងបារាំង​ចូល។ ៩-ដាក់អំបិល ស្ករ ម្រេច ទឹក​ត្រី ១០-លាងអង្ករ រួច​សំរិត​ទឹក​ចេញអោយអស់ ១១-ប្រើចង្ក្រានមួយទៀត បំពងខ្ទឹមស រួចចាក់អង្ករដែលលាង​រួច​ចួល ឆា​មួយសន្ទុះ ចាក់អង្ករដែលឆា​រួច​ចូល​ឆ្នាំង​បបរ រួចដាក់​ផ្សិត​ចំបើង​ចូល ​រំងាស់រហូត​ដល់​អង្កររីក។ ភ្លក់តាម​រសជាតិ​ដែល​ចូល​ចិត្ត រួច​បង់​ខ្ទឹម​បារាំងចូល​ទុក​ជា​បាន​ការ។ ១២-ពេលដួស​ញ៉ាំ​ ទើបដាក់​សណ្តែក​បណ្តុះ ជីបន្លា និង​សៀង ចំណាំ៖ បើដាក់​ប្រហិត សាច់​បាត់តេ បង្គា ​ថែមទៀត​រិត​តែ​ឆ្ងាញ់!!

+ស៑ុប-គុយទាវជ្រលក់បន្លែស្រស់

 គ្រឿងផ្សំ៖ 

– សាច់គោល្អ សាច់ជ្រូកបីជាន់ – គុយទាវ, សំបកណែម – សណ្តែកបណ្តុះ, សាឡាដ, ជីគ្រប់មុខ, ត្រសក់, ទឹកដូងខ្ចី, ខ្ទឹមស, ខ្ទឹមក្រហម, រំដេង, សណ្តែកដី, ស្លឹកខ្ទឹម, ម្ទេសខ្មាំង – ខ្លាញ់រាវ, ទឹកត្រី, ស្ករ, ម្សៅស៊ុប។ វិធីធ្វើ៖ ១-សាច់ជ្រូកបីជាន់ស្ងោរឱ្យឆ្អិនហាន់ជាបន្ទះៗ សាច់គោហាន់ទទឹងបន្ទះតូចៗល្មម ដាក់ខ្ទះឆាឱ្យឆ្អិន។ ២-ដាំខ្ទះចាក់ខ្លាញ់ទុកឱ្យក្តៅ ដាក់គុយទាវឆាប្រស់ទឹកឱ្យទន់ទុកឱ្យឆ្អិន ដាក់ស្លឹកខ្ទឹមត្រលប់ឱ្យសព្វ ដួសទុកមួយអន្លើ ។ ៣-យកកូនថាស់តូចៗល្មម រៀបសាឡាដ ស្លឹកជី ត្រសក់ សណ្តែកបណ្តុះ ដាក់មួយចំហៀង ហើយ យកគុយទាវ និងសំបកណែមដាក់មួយចំហៀង ។ វិធីធ្វើទឹកជ្រលក់៖ សណ្តែកដីលីងបុក(កុំល្អិតពេក) ។ យករំដេងបន្តិចដុតឱ្យឈ្ងុយ បុកជាមួយខ្ទឹមស ខ្ទឹមក្រហម ម្ទេសខ្មាំង រួចចាក់ទឹកត្រី ទឹកខ្មេះ ទឹកដូងខ្ចី ស្ករស ម្សៅស៊ុប ភ្លក់មើលឱ្យល្មម ហើយយកទៅដាំឱ្យពុះ ដាក់ចុះ ទើបរោយសណ្តែកដី ទុកធ្វើជាទឹកជ្រលក់ ។ សេចក្តីបញ្ជាក់ ៖ គុយទាវជ្រលក់នេះ បើមិនចង់ទទួលទាននិងសាច់គោ សាច់ជ្រូកទេ ដុតត្រីដាក់ជំនួសវិញក៏បាន តាម ការចូលចិត្ត ។ ចំណែកសំបកណែមពេលទទួលទានត្រូវយកទឹកលាបឱ្យទន់ ។